Schöngefärbt und dafür verklemmt an einen Start zu gehen, is ned mei Ding. Des fühlt sich so ungsund an.
Da is ma vü liaba, des Mäd`l waß von Haus aus amoi, mit wem`s es z`tuan hat, wos mi in Grundzügen und ganz oberflächlich betrachtet ausmacht und kann sich sagen:
Aha, soso... da hama also an Typ`n, der wos 55 Jahr oid is, der nix auf`d Fiaß gstellt hat, ka materielles Fundament, auf dem i mi ausrasten kennt, der sei Leben hauptsächlich damit verbracht hat, gegen irgenwelche substanziellen Süchte z`kämpfen, der krank wurn is an sein Leben und a bissl beeinträchtigt, der niemanden die Schuld dafür gibt, als wia sich selber und der si da jetzt eben a no traut, sich in a Auslag z`stellen, ohne sich wirklich was zu erwarten. A bissl wie a Prolet klingt er a no... na, ich glaub, des is nix für mi, da geh i liaba weida.
Und i mach des Inserat ja vor allem deswegen, weu i waß, wie ergeben die Menschen dem Schein san und dem ersten Eindruck und wos für Glück ma hat, wenn ma amoi an Menschen trifft, der ned an dera Oberfläche hängt und wenns ganz schlecht hergeht, durt hänga bleibt, sei Leben lang.
Na, ka Sorg, i hab eh kane Heiratsabsichten. I habs aufgeb`n, wia ma so sagt.