da hab ich doch noch eines gefunden.. in Mundart und nicht ganz ernst zu nehmen...
Zwecks da Richtigen
Wia i woa, a Bua gaunz kloa,
mit Lederhosn, Huat und olle Hoar,
hot d´Schwesta mit da Barbie gspüt
hot ghobt a Auto und sogoar a kloans G´stüt.
Hob I docht, "des kunnt sie sei, die wüll i dann beizeiten
später dann a moi a Heiraten... "
Schwester hört´s, wia i laut denk,
und da Barbie olle Aufmerksamkeit schenk
Sogt die Schwester klipp und kloar,
obwohl sie doch vü jünger woar
"Du , des geht doch wirklich schlecht
den die Barbie, die is net echt"
Do woar i ´s erste moi scho entsetzt,
a wengal woar i scho verletzt..
dann hob i kurz moi nochgedocht,
Und dann recht laung, darüber glocht.
Daun in da Schui, im Englisch Unterricht
a neige Lehrin, mit hübschn Gesicht.
Do hob i docht, dei warat Richtig
i bin zwoar no kloa, und schichtig
hob a a wengal an mei Karriere denkt,
das sie ma, dann hoit guate Noten schenkt..
Des hot sie dann a wirklich daun
oba sie wüit mi trotzdem net ois Maun
(vielleicht woar i zu jung, jo des gewsen sein kaun..)
Dann hob i gschaut, die Märchenbraut;
die hot mi dann recht umghaut.
Woar zwoar nur im Fernsehn
oba hobs scho gern gsehn
hob ma denkt, wenns a Märchen is,
dann kummt sie dann gaunz gwiss
Doch , es is jo wirklich bled
kumman, jo kumman is sie net...
Späta dann, wia i woa jung und resch
jo, i woar scho wirklich fesch
hots gebn a poar Mädln fein
die woitn mit mir zammansein..
Irgendwaun woas ma daun zblöd
i wollt de Frauen olle net..
die hom sie gmocht, olle recht wichtig
Und i hob gmerkt: Die Barbie, jo die warat do richtig...
Die meckert net, von früh bis spät
wenn ma moi auf a Bier hoit geht
Die is an immer gerne treu
und schaut doch laung recht aus wia neu
Und die hot, keine Frage
niemois nicht, solche Kopfwehtage...
Braucht koane Geschenke, hot koane Launen
Jo, do fangt ma au zum Staunen..
oan kloanen Moment, i bin klei fertig mitn Dichtn
laung dauerts net mehr, mit den Gschichtn
i wollt doch kurz, jo kurz no erwähnen
so a Barbie is zwoar klass
oba ohne Zruckredn, lochn, u. vie mehr mochts a koan Spass
Fertig is des kloane Gedicht
vielleicht hots jemand gfoin, oder nicht...
Vielleicht hobts a darüber glocht
I wünsch eich nun a Guate Nocht...