Ort mit Herz
„Neilich“, sogt da Huaber Mandi
zu sein Freind dem Meier Fred,
„hom‘s beim Wirt‘n, unt’ beim Xandi,
über lauter Orte g‘redt“.
„Über Orte“, moant da Fredl?
„Jo, wos hom‘s do dischkuriert?
Woaß jo do‘ a jeder Bledl,
dass dös zu koan End‘ nia fiahrt“.
„No, a End‘ is‘ do boid g’wes‘n“,
grinst da Mandi gonz vaschmitzt.
„Weil, so long san‘s goar ned g’sess‘n,
eher moan i, san sie g‘flitzt“.
„G‘flitzt? Warum“? So frogt da Fredi.
„Sog, wos woar denn do da Grund?
Warum woar‘s auf amoi gnädi?
Do liegt sicher wo da Hund“.
„Jo, der liegt, dös konnst da denga“,
feixt da Huaber goar ned trist.
„D’Wirtin hod, es woar zum kenna,
scheint‘s, Rhizinusöl dawischt“.
„Sapperlot“, locht do da Meier,
„oans dös woaß i jetzan g‘wiss,
dass der Ort, der liab und teia,
der woar, wo es Herzal is“.
H. G. W.
Adamas
„Neilich“, sogt da Huaber Mandi
zu sein Freind dem Meier Fred,
„hom‘s beim Wirt‘n, unt’ beim Xandi,
über lauter Orte g‘redt“.
„Über Orte“, moant da Fredl?
„Jo, wos hom‘s do dischkuriert?
Woaß jo do‘ a jeder Bledl,
dass dös zu koan End‘ nia fiahrt“.
„No, a End‘ is‘ do boid g’wes‘n“,
grinst da Mandi gonz vaschmitzt.
„Weil, so long san‘s goar ned g’sess‘n,
eher moan i, san sie g‘flitzt“.
„G‘flitzt? Warum“? So frogt da Fredi.
„Sog, wos woar denn do da Grund?
Warum woar‘s auf amoi gnädi?
Do liegt sicher wo da Hund“.
„Jo, der liegt, dös konnst da denga“,
feixt da Huaber goar ned trist.
„D’Wirtin hod, es woar zum kenna,
scheint‘s, Rhizinusöl dawischt“.
„Sapperlot“, locht do da Meier,
„oans dös woaß i jetzan g‘wiss,
dass der Ort, der liab und teia,
der woar, wo es Herzal is“.
H. G. W.
Adamas